Алматы қаласында бүгін, 6 наурыз күні шамамен сағат 05:11-де тағы да жер сілкінісі сезілді, – деп хабарлайды “Aulieatanews” ақпараттық агенттігі.
ҚР ТЖМ Ұлттық сейсмологиялық бақылау және зерттеу ғылыми орталығының сейсмикалық станциялар желісінің мамандары жер сілкінісін Алматы уақытымен 6 наурызда 05 сағат 09 минут 58 секундта тіркеген.
Жер сілкінісінің ошағы Алматы қаласынан оңтүстік-шығысқа қарай 266 шақырымда Қытай аумағында (афтершок) орналасқаны белгілі болды.
Жер сілкінісінің энергетикалық санаты — 12.6.
MPV магнитудасы — 5.4.
Эпиошақ координатасы 41.22° с.е. 78.73° ш.б.
Тереңдігі: 10 км.
Алматыда сезілуі туралы дерек (МSК-64 шкаласы бойынша): 2 балл.
