Мемлекеттік қызметтер қалтаңда!

0 8

Барлық құжаттарды өзіңізбен бірге алып жүру өте ыңғайсыз. Кейде маңызды құжаттарымызды үйде ұмытып кетіп те жатамыз. Бұл орайда цифрлық құжаттар әрбір қазақстандықтың өмірін мүмкіндігінше жеңілдетті.

Egov mobile қосымшасында жеке куәлік, неке және баланың туу туралы куәліктері, жүргізуші куәлігі, вакцинация паспорты және басқа да жиі қолданыстағы құжаттардың цифрлық аналогы бар. Цифрлық құжаттар ХҚО-да, банктер мен нотариустарда, тіпті ұялы байланыс операторларының сервистік орталықтарында да жарамды. Сондай-ақ оны әуежайда тіркеліп, пойызға отырғанда ұсына аласыз.

Egov mobile қосымшасын Google Play, AppGallery, AppStore арқылы жүктеп алуға болады. Қосымшаны пайдалану үшін мобильді азаматтардың базасында тіркелу қажет.

Е. АБДИВАИТОВ,

Жуалы аудандық халыққа қызмет көрсету бөлімінің басшысы. 

Жамбыл облысы.