Қытай университеттерінде қазақ тілі оқытылады

0 230

Қытай Халық Республикасының 5 университетінде «Қазақ тілі» мамандығы ашылды. Бұл туралы Қытай Сыртқы істер министрі Ван И айтты, деп хабарлайды «Aulieatanews» ақпараттық агенттігі. 

Еске салайық, бүгін Астанада Қазақстан мен Қытай Сыртқы істер министрлері келіссөздер жүргізді.

«Қазіргі таңда Қытайда 10 мыңнан астам Қазақстан азаматы жоғары оқу орындарда білім алып жатыр. Сондай-ақ Қытайдың 5 университетінде «Қазақ тілі» мамандығы ашылды», деді ҚХР Сыртқы істер министрі Ван И.

Сонымен қатар Қытай министрі Қазақстан мен Қытай арасындағы визасыз режимнің маңыздылығын атап өтті.