Бүгін обыс әкімі Серік Шәпкеновтің шешімімен табиғи сипаттағы төтенше жағдай жарияланды, деп хабарлайды «Aulieatanews» ақпараттық агенттігі.
«Атырау облысының аумағында табиғи сипаттағы төтенше жағдай жариялансын. Облыс әкімінің жетекшілік ететін орынбасары табиғи сипаттағы төтенше жағдайды жою басшысы болып тағайындалсын. Оған табиғи сипаттағы төтенше жағдайды жоюға бағытталған іс-шараларды жүргізу тапсырылсын», делінген облыс әкімінің шешімінде.
Қызылқоға және Жылыой ауданында осындай төтенше жағдай сақталып отыр.
Облыстық жедел штабтың мәліметінше, Жылыой ауданындағы Құлсары қаласының «Атырау», «Достық», «Мирас», «Жадырасын», «Мерей», «Шұғыла», мешіт маңы ауылынан 29 545 адам қауіпсіз жерге эвакуацияланған. Оның ішінде 7 396 бала бар. Эвакуациялық пункттерге 8 011 адам орналастырылды. Олардың 4578-і – балалар.
