Қазақстанда 30-31 мамыр күндері елдің батысы мен солтүстік-батысында нөсер жаңбыр, бұршақ және қатты жел күтіледі. Ал оңтүстікте шаңды дауыл болуы мүмкін, деп хабарлайды «Aulieatanews» ақпараттық агенттігі.
Синоптиктердің болжауынша, ең қатты қолайсыз ауа райы батыс өңірлерге әсер етеді.
Батыс Қазақстан, Атырау, Маңғыстау, Ақтөбе және Қостанай облыстарында нөсер жауын, бұршақ және қатты жел күтіледі.
Елдің басқа аумақтарында ауа райы жауын-шашынсыз болады. Республика бойынша жел күшейеді.
Күндіз ауа температурасы батыста +20…+25°C, солтүстік, шығыс және орталықта +23…+38°C, оңтүстікте +30…+40°C дейін көтеріледі.
