Бүгін сағат 13:30 шамасында Жалал-Абад облысының Созақ ауданында балмұздақ тиелген шағын жүк көлігі 29 баланы қағып кетті, деп хабарлайды «Aulieatanews» ақпараттық агенттігі.
Қырғыз Республикасының Денсаулық сақтау министрлігі зардап шеккендердің жасы 9 бен 16 жас аралығында екенін хабарлады.
Қазір зардап шеккендердің жетеуі жансақтау бөлімінде жатыр, үшеуінің жағдайы ауыр деп бағаланды.
Тағы үш бала Созақ аудандық ауруханасында, сегізі орталық балалар ауруханасында жатыр. Дәрігерлердің айтуынша, олардың жағдайы орташа ауыр.
Оқиға орнында 11 мектеп оқушысына көмек көрсетілді. Олар амбулаторлық емдеуге жіберілді.
Қырғызстанның Денсаулық сақтау министрі Алымқадыр Бейшеналиев зардап шеккендерге көмек көрсету мәселесін жеке бақылауына алып, оларға сапалы медициналық көмек көрсетуді, дәрі-дәрмекпен қамтамасыз етуді тапсырды.
