МЕРКІ АУДАНДЫҚ МӘСЛИХАТЫНЫҢ ДЕПУТАТТЫҒЫНА
№15 БІРМАНДАТТЫҚ САЙЛАУ ОКРУГІ БОЙЫНША
ӨЗІН-ӨЗІ ҰСЫНҒАН КАНДИДАТ
ОРАЗҒАЛИ АҚЖАЙНА КЕҢЕСҚЫЗЫНЫҢ
САЙЛАУАЛДЫ БАҒДАРЛАМАСЫ
ӨМІРБАЯН
Мен, Оразғали Ақжайна Қанесқызы, 2003 жылғы 23 наурызда Жамбыл облысы, Меркі ауданының Рысқұлов ауылында дүниеге келдім. 2010-2019 жылдары №48 жалпы білім беретін мектепте оқыдым.
2019-2022 жылдары №9 Меркі колледжінде білім алып, бағдарламашы мамандығын меңгердім. 2023 жылы Шерхан Мұртаза атындағы Халықаралық Тараз университетіне оқуға түсіп, қазіргі уақытта білімімді жалғастырып келемін.
Еңбек жолымды 2024 жылы Меркі ауданы әкімі аппаратында келісім-шарт маманы болып бастадым. 2025 жылғы қыркүйектен 2026 жылғы тамызға дейін аудан әкімдігінің ішкі саясат бөліміне қарасты «Меркі медиа» орталығында әлеуметтік медиа маманы қызметін атқардым. 2026 жылғы қыркүйектен бастап аудан әкімі аппаратында келісім-шарт маманы болып жұмыс істеп келемін.
САЙЛАУАЛДЫ БАҒДАРЛАМА
Құрметті сайлаушылар! Ауылдың келешегі күнделікті мәселелерге уақытында назар аударуға, тұрғындардың пікірін естуге және жастардың жаңа мүмкіндіктерін іске жаратуға байланысты. Бағдарламалау, мемлекеттік мекемедегі жұмыс және ақпараттық коммуникация саласында жинаған тәжірибемді №15 сайлау округінің игілігіне бағыттауға ниеттімін. Депутат болып сайланған жағдайда, өкілеттігім мен бюджет мүмкіндіктері шеңберінде мына бастамаларды көтеремін.
- Қолжетімді цифрлық қызметтер. Тұрғындарға электрондық мемлекеттік қызметтерді пайдалану, өтініш жолдау және ресми ақпарат алу тәртібін түсіндіретін бастамаларды қолдаймын. Интернет пен цифрлық сервистердің қолжетімділігіне қатысты ұсыныстарды жауапты мекемелерге жеткіземін. Ауыл тұрғындарына қажетті мәліметтің түсінікті әрі уақтылы берілуіне мән беремін.
- Жастардың білім алуы және кәсіби қалыптасуы. Мектеп түлектерінің мамандық таңдауына, колледждер мен жоғары оқу орындары туралы ақпарат алуына және еңбек нарығына бейімделуіне көмектесетін жобаларды қолдаймын. Білім беру ұйымдарының материалдық-техникалық базасын жақсарту, жастардың цифрлық дағдыларын жетілдіру және тәжірибелік оқыту мүмкіндіктерін кеңейту мәселелерін көтеремін.
- Жұмыспен қамту және бастамашыл кәсіпкерлік. Ауыл тұрғындары мен жастардың кәсіптік оқыту, алғашқы жұмыс орны және мемлекеттік қолдау бағдарламалары туралы ақпарат алуына ықпал етемін. Шағын кәсіп ашуға ниетті азаматтардың ұсыныстарын жауапты ұйымдарға жеткізіп, жергілікті кәсіпкерлер мен жұмыс іздеушілер арасындағы байланысты күшейтуге арналған бастамаларды қолдаймын.
- Қауіпсіз көшелер және қолайлы инфрақұрылым. Жөндеуді қажет ететін ауылішілік жолдарды, жарықтандырылмаған көшелерді және тротуар қажеттілігі бар учаскелерді тұрғындармен бірлесіп айқындау мәселесін көтеремін. Ауызсу, электр желілері мен абаттандыруға қатысты ұсыныстардың жоспарлар мен бюджет жобаларында қаралуына, жұмыстардың сапалы орындалуына атсалысамын.
- Балалар, отбасы және қоғамдық кеңістік. Балалардың бос уақытын қауіпсіз өткізуі үшін ойын және спорт алаңдарын дамытуға, мәдени-шығармашылық іс-шаралардың қолжетімді болуына бағытталған ұсыныстарды қолдаймын. Қарттарға, көпбалалы отбасыларға және ерекше қажеттілігі бар азаматтарға көрсетілетін қызметтердің қолайлылығы мен қолжетімділігіне назар аударамын.
- Ашық байланыс және жауапты депутаттық жұмыс. Тұрғындардың ұсыныстарын жүйелеп, құзырлы органдарға жеткізіп, қажет болған жағдайда депутаттық сауал жолдаймын. Жергілікті жобалардың қаралу кезеңі, қаржыландырылуы және орындалуы туралы түсінікті ақпарат берілуін қолдаймын. Бөлінген қаражаттың тиімді пайдаланылуына депутаттық бақылау жүргізуге атсалысамын.
- Ақпараттық сауаттылық пен қауіпсіздік. Жастар мен ересек тұрғындарға интернеттегі қауіпсіздік, жеке деректерді қорғау және онлайн алаяқтықтан сақтану туралы түсіндіру бастамаларын қолдаймын. Кітапханалар, білім беру ұйымдары және тиісті мекемелер арқылы пайдалы цифрлық дағдыларды дамытуға бағытталған жобалардың қаралуына атсалысамын. Әлеуметтік желілердегі ресми ақпараттың сенімді әрі қолжетімді болуына көңіл бөлемін.
Қадірлі жерлестер! Ауыл мәселесін шешудегі ең маңызды қадам – оның нақты себебін анықтап, жауапты мекемеге негізді ұсыныс жеткізу. Ақпаратты ашық ұсыну, тұрғындармен кері байланыс орнату және қолға алынған істердің нәтижесін бақылау осы жұмыстың ажырамас бөлігі болуы тиіс. Әрбір өтініштің тағдыры белгісіз қалмай, қай мекемеде қаралып жатқанын, қандай шешім қабылданғанын тұрғындар біліп отыруы маңызды. Мен аға буынның тәжірибесі мен жастардың тың көзқарасы ұштасқан жағдайда елді мекендердің дамуына нақты серпін беруге болатынына сенемін.
Сенім білдірілген жағдайда №15 округ тұрғындарының ұсыныстарын тұрақты назарда ұстап, олардың заң аясында қаралуына адал әрі табанды еңбекпен үлес қосамын. Ұсыныс пен нәтиженің арасын байланыстыратын жүйелі жұмыс жүргізуге, атқарылған іс туралы ашық есеп беруге дайынмын. Көтерілген мәселенің қаралу кезеңдері, жауапты мекемесі және қабылданған шешімі туралы кері байланыс беруге ерекше көңіл бөлемін.
Құрметпен, Ақжайна Оразғали!
Меркі аудандық мәслихаты депутаттығына кандидат А.Оразғалидің сайлау қорының қаражатынан төленді.
