Жамбыл облысының әкімі Ербол Қарашөкеев азаматтарды жеке мәселелері бойынша қабылдады, деп хабарлайды «Aulieatanews» ақпараттық агенттігі.
Кездесу барысында білім, мәдениет, цифрландыру, энергетика және ауыл шаруашылығы салаларының мәселелері, сондай-ақ жеке сипаттағы ұсыныстар мен пікірлер көтерілді.
Ербол Қарашөкеев азаматтардың сауалдарына қолданыстағы заңнама талаптарына сәйкес жауап берді.
Қабылдау қорытындысында жауапты тұлғаларға көтерілген түйткілдерді жан-жақты зерделеп, кезек күттірмейтін өтініш-тілектер бойынша тиісті шешімдер қабылдау тапсырылды.
