Мобильді аударымдар: 2026 жылдан бастап қандай өзгерістер енеді?
Қазақстанда 2026 жылғы 1 қаңтардан бастап мобильді ақша аударымдарын бақылаудың жаңа критерийі енгізіледі. Бұл туралы Мемлекеттік кірістер комитеті мәлім қылды, деп хабарлайды «Aulieatanews» ақпараттық агенттігі.
Бұған дейін бір ғана талап ескерілген. Атап айтқанда, бірнеше адамнан қатарынан 3 ай ішінде 100 рет және одан да көп аударым түссе кәсіпкерлік қызмет белгісі болып есептелетін.
Енді оған қосымша тағы бір шарт енгізіледі, нақты айтқанда, сол 3 айдағы жалпы түсімнің 12 ең төменгі жалақыдан (ЕТЖ) 1 020 000 теңге асуы енгізіліп отыр.
Егер сіздің жеке шотыңызға (кәсіпкерлікке арналмаған) қатарынан 3 ай бойы 100 түрлі адамнан ақша түскен болса әрі жалпы сома 12 ең төменгі жалақыдан (ЕТЖ) асса, ондай операциялар кәсіпкерлік кіріс белгісі бар әрекет ретінде қарастырылады.
