Мұзды судың ішінде бір минуттан артық болу – денсаулыққа қауіпті. Бірақ Вим Хоф -30°C аязда бірнеше сағат отырған. Тіпті, мұз астында 57 метр қашықтықты бір деммен жүзіп өткен, деп жазады «Aulieatanews» ақпараттық агенттігі.
Вим Хофтың денесі мұзды суға түскенде қалыпты қызуын жоғалтпайды. Ол жеңіл-желпі киіммен мұзда 1 сағат 52 минут отырған. Сөйтіп, Гиннестің рекордтар кітабына енген. Ерекше құбылысты түсіну үшін ғалымдар Вим Хофтың жүйке жүйесі мен дене қызуын басқаратын қабілетін зерттеген. Нәтижесінде, оның терморегуляциясына жауап беретін ми аймағы ерекше белсенді екені анықталған.
