Бүгін үкімет отырысында күні кеше тағайындалған Туризм және спорт министрі Ербол Мырзабосынов ант қабылдады, деп жазады «Aulieatanews» ақпараттық агенттігі.
«Қазақстан халқы мен Президентінің алдында бар күш-жігерім мен білімімді Отанымның өркендеуіне арнауға, мемлекеттің Конституциясы мен заңдарын қатаң сақтауға салтанатты түрде ант етемін. Өзімнің барлық іс-әрекеттерімде заңдылық пен әділеттілік, азаматтық, ұлтаралық және конфессияаралық келісім қағидаттарын ұстануға. Қазақстан халқына адал қызмет етуге, елімнің мемлекеттілігі мен әлемдік қоғамдастықтағы беделін нығайтуға ант етемін», деді Ербол Мырзабосынов.
ҚР Премьер-министрі Олжас Бектенов жаңа министрдің қызметіне табыс тіледі.
