УЕФА Конференция лигасы аясында өткен қарымта матчта «Астана» футбол командасы румыниялық «Корвинулды» ірі есеппен қапы қалдырды, деп жазады «Aulieatanews» ақпараттық агенттігі.
Кездесу 13 тамыз күні Алматы қаласында өтті.
Елордалық команда «Корвинулды» 6:1 есебімен жеңді. Бұл көрсеткіш «Астананың» еурокубок тарихындағы ең ірі жеңісі болып тіркелді. Осылайша отандастарымыз Конференция лигасының келесі кезеңіне жолдама алды.
Айта кетейік, «Астана» бірінші кездесуде сырт алаңда «Корвинулдан» 2:1 есебімен басым түскен еді.
