Жаңа комитет суды заңсыз пайдалану және оны есепке алу деректерінің бұрмалануын тексереді.
Жаңа комитет суды заңсыз пайдалану және оны есепке алу деректерінің бұрмалануы, сондай-ақ еліміздің су нысандарындағы құқыққа қайшы шаруашылық қызметпен күреседі. Бұл туралы Су ресурстары және ирригация министрлігі мәлімдеді, деп жазады «Aulieatanews» ақпараттық агенттігі.
«Судың «қара нарығымен» күресті күшейту мақсатында Су ресурстары және ирригация министрлігінде жаңа ведомство – Су ресурстарын реттеу, қорғау және пайдалану комитеті құрылды», – делінген хабарламада.
– Министрлік суды заңсыз пайдаланумен белсенді күрес іс-шараларын қолға алды. Бұл мәселе ерекше бақылауда. Жаңа комитеттің жұмысы құқық бұзушылықтардың алдын алуға және еліміздің су ресурстарын қорғауға бағытталған. Бұл жұмыстар заңнамаға енгізілетін өзгерістермен бірге судың «қара нарығына» қарсы күресті едәуір күшейтуі тиіс, – деді Су ресурстары және ирригация министрі Нұржан Нұржігітов.
