Қазақстанда биылдан бастап жеке куәлікті алғаш рет рәсімдегенде немесе мерзімі аяқталған жағдайда ауыстырғанда мемлекеттік баж салығы төленбейді, деп хабарлайды «Aulieatanews» ақпараттық агенттігі.
Миграциялық қызмет комитетінің дерегіне сәйкес, 2025 жылы елде шамамен екі миллион жеке куәлік берілген.
Ал шетелдік паспортты рәсімдеу биыл қымбаттайды. Себебі көптеген мемлекеттік қызметтер айлық есептік көрсеткішке (АЕК) байланған, ал биыл оның мөлшері 4325 теңгеге дейін өседі.
Соған сәйкес, ересектерге арналған паспорт 34 600 теңге, ал 16 жасқа дейінгі балаларға –17 300 теңге тұрады. Өткен жылы бұл құжатты ел бойынша миллионнан астам адам алған.
