«WBO» және «IBF» тұжырымдары бойынша әлем чемпионы Жәнібек Әлімханұлы Қазақстанда чемпиондық атағын қорғауы мүмкін, деп хабарлайды «Aulieatanews» ақпараттық агенттігі.
Америкалық журналист Дэн Рафаэль «X» әлеуметтік желісіндегі парақшасында қазақстандықтың келесі қарсыласы бұрын-соңды жеңілмеген британдық Шакил Томпсон (13-0, 9 КО) болатынын жазды.
Сонымен қатар журналист жекпе-жектің Қазақстанда өтетінін айтты.
«Жәнібек Әлімханұлы туған елінде соңғы рет 2017 жылы екі кәсіби жекпе-жегін өткізген. Содан бері алғашқы рет сәуір-мамыр айларында британдық боксшы Шакил Томпсонмен Қазақстанда жекпе-жекке шығып, титулын қорғап қалу үшін күш сынасады. Томпсон алғашқы дайындық жекпе-жегін 7 ақпанда өткізеді», деді Дэн Рафаэль.
