XXXIIІ Жазғы Олимпиада ойындарының ашылуы бүгін тікелей эфирде көрсетіледі, деп хабарлайды «Aulieatanews» ақпараттық агенттігі.
Qazsporttv мәліметінше «Qazaqstan» және «Qazsport» телеарналары Париж-2024 ашылуын тікелей эфирде көрсетеді.
Салтанатты ашылуды «Qazsport» арнасында комментаторлар Уәлихан Қосанбай мен Сергей Райлян жүргізеді. Ал тікелей эфирдің қонақтары – бокстан Олимпиада чемпионы Серік Сәпиев, бокстан Олимпиада ойындарының күміс жүлдегері Василий Левит, көркем гинастикадан Азия чемпионы Анна Алябьева.
Сонымен бірге бүгін 21:55-те «Qazsport» телеарнасынан ашылу салтанаты алдындағы «Париж-2024» студиялық бағдарламасы көрсетіледі.
Одан бөлек, «Qazaqstan», «Qazsport» арналарынан күн сайын «Олимпиада күнделігі» эфирге шығады.
