Қытайдың шығысындағы Вэньчжоу қаласының көшелерін роботтар күзетеді, деп жазады «Aulieatanews» ақпараттық агенттігі.
Жасанды интеллект негізінде жұмыс істейтін технология адамдардың жеке тұлғасын, сондай-ақ күдіктінің мінез-құлқын анықтай алады. Қажет болған жағдайда көз жасаурататын газ шашып, дабыл арқылы әсер етеді. Осыдан кейін бірден полицейлерге қауіпті жағдай туралы хабарлама келіп түседі. Құрылғының салмағы – 125 кг. Сағатына 35 шақырымға дейін қозғала алады. Роботтың пішіні сфера тәрізді. Соның арқасында полицейлер жете алмайтын жерлерді тексеруге қауқарлы, тіпті суда да қозғала алады.
