«Қазгидромет» РМК болжамына сәйкес, 24 маусымда ел аумағының басым бөлігінде тұрақсыз ауа райы сақталады, деп хабарлайды «Aulieatanews» ақпараттық агенттігі.
Республиканың оңтүстік-шығысындағы таулы аймақтарда күндіз жаңбыр жауып, найзағай ойнайды, жел күшейіп, бұршақ жаууы мүмкін.
Күндіз Абай, Жетісу, Алматы, Жамбыл, Павлодар, Шығыс Қазақстан облыстарында, Қарағанды облысының оңтүстігінде қатты ыстық сақталады.
Ақтөбеде, Алматыда, Ұлытау облысының солтүстігінде, шығысында, Абай облысының солтүстігінде, Қарағанды облысының орталығында, Ақмола облысының батысында, Шығыс Қазақстан облысының оңтүстігінде, Маңғыстау облысының батысында, Жетісу облысының солтүстік-шығысында, солтүстігінде, Павлодар облысының орталығында, Атырау облыстарының батысында, Батыс Қазақстан облысының шығысында жоғары өрт қаупі сақталады.
Атырау, Түркістан, Жамбыл, Қызылорда, Алматының солтүстік бөлігінде, Ұлытауда, Батыс Қазақстанның оңтүстігінде, батысында, Ақтөбенің оңтүстігінде, Қостанайдың оңтүстігінде, Қарағанды және Абай облыстарының солтүстігінде, Жетісу облысының шығысында, солтүстікте, оңтүстік-шығыста, Маңғыстау облысының орталығында өте жоғары өрт қаупі күтіледі.
