Испания суперкубогына таласта «Барселона» мадридтік «Реалды» 5:2 есебімен жеңіп, 15-ші мәрте жеңімпаз атанды, деп хабарлайды «Aulieatanews» ақпараттық агенттігі.
Сауд Арабиясында өткен ойынның алғашқы минуттарында мадридтік команда гол соғып есеп ашқан болатын. Алайда бірінші тайм аяқталғанға дейін өз қақпаларына төрт гол өткізіп алды.
Финалдық ойында футболшылар Ламин Ямал, Роберт Левандовский, Рафинья Диас және Алехандро Балденнің жарқын ойыны мен жойқын голдары каталондық командаға финалдық ойында жеңіс сыйлады.
Осылайша «Барселона» осыған дейін 13 рет суперкубокты иеленген «Реалды» басып озып, 15-ші мәрте жеңімпаз атанды.
Бұл «Барселонаның» бас бапкері Ханс-Дитер Фликтің бапкер ретіндегі алғашқы жеңісі.
