Бокстан 2004 жылы Афина Олимпиадасының чемпионы Бақтияр Артаевқа Вэл Баркер кубогі қайта табысталды, деп жазады «Aulieatanews» ақпараттық агенттігі.
Вэл Баркер кубогі — Олимпиада ойындарындағы үздік боксшыға берілетін құнды сыйлық.
Қазақстан бокс федерациясы Б.Артаев өзіне тиесілі жүлдені бірнеше жыл бұрын халықаралық ұйымға тапсырып, осы мәселе шешімін таппай келгенін мәлімдеді.
Федерацияның араласуымен Вэл Баркер Кубогі өз иесін қайта тапқан.
«Қазақстан бокс федерациясы әлемдік спорттағы құнды жәдігер саналатын жүлдені қайтару үшін нақты қадамдар жасады. Астанада өткен кездесуде Қазақстан бокс федерациясының президенті Шахмұрат Мүтәліп бокстан Олимпиада чемпионы Бақтияр Артаевқа жүлдені табыстады», делінген хабарламада.
