Екі облыстағы республикалық маңызы бар жолдарда қозғалысқа шектеу қойылды
«ҚазАвтоЖол» компаниясы күн райының бұзылуына байланысты Жамбыл және Ақтөбе облыстарындағы республикалық маңызы бар автожолдарда көлік қозғалысына шектеу енгізілгенін хабарлады, деп жазады «Aulieatanews» ақпараттық агенттігі.
Жамбыл облысындағы «Алматы-Ташкент-Термез» автожолының 535-593 шақырымы аралығында (Айша бибі ауылынан Түркістан облысының шекарасына дейін) көліктің барлық түрінің қозғалысына шектеу қойылды. Хабарламада шектеу 6 қараша сағат 16:00-ден 7 қараша 4:00-ге дейін енгізілгені айтылған.
Ал Ақтөбе облысындағы «Ақтөбе-Атырау-РФ шекарасы (Астраханға)» автожолының 12-250 шақырымы аралығында (Ақтөбе қаласынан Қарауылкелді ауылына дейін) жүк және қоғамдық көліктердің қозғалысына шектеу қойылды. Облыстағы бұл күрежолдар учаскесі қашан ашылатыны белгісіз.
