Ерлан Тағаев Алматы облысы Талғар ауданының прокуроры болып тағайындалды. Бұл туралы Талғар аудандық прокуратурасының баспасөз қызметі мәлімдеді.
Алматы облысы прокурорының бірінші орынбасары Қатаев Дамир Меделбайұлы Талғар ауданының әкімдігінде Талғар ауданының прокуроры Ерлан Әлижанұлы Тағаевты таныстырды.
Ерлан Әлижанұлы Тағаев прокурорлық қызметін Алматы облысының прокуратурасында бастап, кейін Қарағанды және Шығыс Қазақстан облыстарында жалғастырған.
Талғар ауданы прокуроры болып тағайындалғанға дейін Курчатов қаласы түзеу мекемелерінде заңдылықтын сақталуын қадағалау жөніндегі арнайы прокуроры, Күршім ауданы, Аягөз, Абай және Жаңасемей аудандарының прокуроры қызметін атқарған.
