Ербол Мырзабосынов туризм және спорт министрі болып тағайындалды. Президент тиісті жарлыққа қол қойды, деп хабарлайды «Aulieatanews» ақпараттық агенттігі.
Мемлекет басшысының жарлығымен Ербол Қуантайұлы Мырзабосынов Қазақстан Республикасының туризм және спорт министрі лауазымына тағайындалды, — делінген жарлықта.
Естеріңізде болса, бұған дейін осы қызметті атқарып келген Ермек Маржықпаев 31 тамыз күні лауазымынан босатылған еді.
Ербол Мырзабосынов 1984 жылы Шығыс Қазақстан облысында дүниеге келген.
Семей мемлекеттік педагогикалық институтын, Қазақ гуманитарлық-заң инновациялық университетін, Қазақ спорт және туризм академиясын бітірген.
Еңбек жолын 2005 жылы Семей мемлекеттік педагогикалық институты Дене шынықтыру және спорт теориясы мен әдістемесі кафедрасының ассистенті, жаттықтырушы-оқытушысы болып бастады.
2009-2014 жж. – Семей қаласының мемлекеттік педагогикалық институтының дене тәрбиесі кафедрасының оқытушысы; меңгерушісі.
2006-2018 жж. – «Шығыс Қазақстан облыстық бұқаралық спорттағы жоғары спорт шеберлігі мектебі» КММ жаттықтырушы-оқытушысы.
2018-2020 жж. «Қызылжар Арландары» спорт клубының директоры болып жұмыс істеді.
2020-2021 жж. – «Qazaq kuresi» қауымдастығының басқарушы директоры.
2021-2023 жж. – Дене шынықтыру және бұқаралық спорт академиясының ректоры.
2023 жылдан бастап қазірге дейін Спорт және дене шынықтыру істері комитетінің төрағасы қызметін атқарып келді.
