Жамбыл облысында жол апатынан 5 адам мерт болып, тағы 5 жолаушы ауруханада жатыр
Жамбыл облысындағы күрежолда жантүршігерлік жол апаты болды, деп жазады «Aulieatanews» ақпараттық агенттігі.
Қайғылы оқиға Батыс Еуропа – Батыс Қытай күрежолынның Жуалы ауданындағы бөлігінде орын алған.
Бірнеше көлік соқтығысқан жол-көлік оқиғасы дерегі бойынша 5 адам қаза тауып, тағы 5 адам ауруханаға жатқызылды, қылмыстық іс қозғалды. Қажетті тергеу-жедел іс-шаралар кешені жүргізіліп жатыр. Тергеу барысы облыс прокуратурасының бақылауында, деп жазылған ресми хабарламада.
Зардап шеккен көліктердің нақты саны белгісіз.
