Енді қазақстандықтар ұялы байланыс нөмірін тіркеу үшін биометриядан өтеді
Енді еліміздің барлық азаматы ұялы байланыс қызметтерін алу үшін биометриялық тексерістен өтуі тиіс, деп хабарлайды «Aulieatanews» ақпараттық агенттігі.
Адамдар абонеттік нөмірді тіркеп, оператормен байланыс орнату үшін бет-жүзін сканерлейді.
Цифрлық даму министрлігі өкілдерінің айтуынша, бүгінде абоненттік нөмірлер арқылы азаматтардың қаржысына қол сұғатындар көбейген. Ал бұл шара алаяқтықтың алдын алу мақсатында жасалмақ.
Сондай-ақ интернетке кіру жүйесіне де өзгеріс енгізіледі. Егер азамат интернетті пайдаланғысы келсе, жеке басын куәландыратын құжатын тіркейді.
