Әлемдегі үздіксіз жұмыс істеп келе жатқан ең көне мектеп – Англиядағы «The King’s School, Canterbury». Ол 597 жылы ашылған, деп жазады «Aulieatanews» ақпараттық агенттігі.
Онда талай патша, саясаткер, ақын-жазушы білім алып шыққан. Ғасырлар бойы соғысты да, оба індетін де, түрлі реформаны да бастан өткерген бұл мектеп әлі күнге дейін балаларды оқытады. Әлемдегі көптеген білім ордасы жабылып, қайта ашылып жатқанда, бұл мектеп білімнің мәңгілігін дәлелдеген ғажайып ескерткіш іспетті.
