Әскери оркестр – кез келген салтанатты шараның немесе рәсімнің ажырамас бөлігі. «Оңтүстік» өңірлік қолбасшылығы әскерлерінде де, басқа әскери бөлімдерде де әскери оркестрсіз бірде-бір салтанатты іс-шара, рәсім немесе әскери дәстүр өтпейді. Әскери оркестрдің марштық композициялары әскери ұжымдардың бірлігін, серіктестік пен армиялық бауырластық сезімін нығайтуға, сондай-ақ ортақ әскери істерге деген мақтанышты арттыруға көмектеседі.
Жеңістің 80-жылдығына және Отан қорғаушылар күніне арналған парадқа қатысу үшін жолға шықты, деп хабарлайды «Aulieatanews» ақпараттық агенттігінің тілшісі.
Олар елорда оркестр құрамына кіріп, 7 мамырда өтетін парадты сүйемелдейтін біріккен әскери оркестрдің құрамына қосылады. Музыканттар жолға шығудан бұрын көптеген дайындықтар өткізді. Оркестр командирі, майор Рустем Насыровтың жетекшілігімен көптеген репетициялар өткізіліп, музыкалық шеберлік пен салтанатты композициялар дайындалды.
«Оңтүстік» өңірлік қолбасшылығының әскери оркестрімен бірге Тараз бен Шымкенттегі 5-ші және 6-шы механикаландырылған бригадалардың оркестрлері, сондай-ақ Гвардейск және Сарыөзек гарнизондары мен Қорғаныс министрлігінің Ұлттық әскери-патриоттық орталығының филиалдарының әскери музыканттары Астанаға аттанды. Жалпы алғанда, Оңтүстік өңірден 50 әскери музыкант елордаға жол тартты. Олар 250 адамнан тұратын біріккен әскери оркестрдің құрамында болады. Бұл – олардың үшін үлкен құрмет, өйткені олар Ұлы Жеңіс және Отан қорғаушылар күніне арналған парадта өнер көрсету үшін шақырылды.
Өңір музыканттарын тынымсыз дайындық кезеңі күтуде, олар парадтың музыкалық сүйемелдеуін жоғары деңгейде өткізу үшін бар күшін салады.
