Оқу-ағарту министрлігі Қазақстанда соңғы қоңырау күнін кейінге шегеретінін мәлімдеді, деп хабарлайды «Aulieatanews» ақпараттық агенттігі.
Оқу-ағарту министрлігінің мәліметінше, биылғы оқу жылын еліміз бойынша 3,9 миллионнан астам оқушы аяқтайды.
Олардың ішінде 217 мыңнан астамы — 11-сынып түлектері. Олар үшін бұл жыл — мектеппен қоштасатын ерекше әрі есте қаларлық кезең.
«Өткен жылдағыдай оқудың соңғы күні – 23 мамырда еліміздің барлық мектептерінде «Білімім – Отаныма» ұранымен бірыңғай сынып сағаты өтеді. Бүкіл білім беру жүйесі үшін маңызды шара оқушылар мен ұстаздарға бірлескен жұмыстың қорытындысын шығаруға, бір-біріне ризашылықтарын білдіруге, өтіп жатқан оқу жылының маңызды оқиғаларын еске алуға мүмкіндік береді.
Биыл оқу жылының ресми аяқталу күні жексенбіге сәйкес келетіндіктен, мектеп әкімшілігінің шешімімен 11-сынып түлектеріне арналған салтанатты іс-шаралар 23 немесе 24 мамырда өтеді», деп хабарлады ведомство.
Сондай-ақ, Оқу-ағарту министрлігі барлық мектеп оқушыларының қауіпсіздігі мен тең жағдайын қамтамасыз ету мақсатында сән-салтанатпен іс-шаралар ұйымдастыруға, ақша жинауға, көлік жүргізуге, мектеп форматынан тыс мерекелік шараларды өткізуге кеңес берілмейтінін еске салды.
