Telegram пайдаланушылары мессенджерде ақау пайда болғанын хабарлады. Ақаулар туралы Detector404 порталы да растап отыр, деп хабарлайды «Aulieatanews» ақпараттық агенттігі.
Ақауларды бақылау сервисінің мәліметінше, соңғы бір сағатта Telegram-ға қатысты мәселелер туралы ең көп хабарлама Астанадан түскен – халық саны ескерілгендегі барлық шағымның 35%-ы елордаға тиесілі. Одан кейін Қарағанды облысы – 12%, Павлодар облысы – 9%, Қостанай облысы – 8% және Шығыс Қазақстан облысы – 7%.
DownDetector ақауларды бақылау сервисінің мәліметіне сәйкес, ең жиі кездесетін мәселелердің қатарында қосымшаның жұмысындағы ақау да көш бастап тұр – шағымдардың 68%-ы. 17% жағдайда пайдаланушылар хабарлама жіберуге қатысты мәселелерге тап болған, ал тағы 9%-ы аккаунтқа кіру кезінде қиындықтарға кезіккен.
