Біз ең қажетті анықтамаларды ХҚО-ға жүгінбей-ақ, Egov порталы арқылы алуды үйреніп қалдық. Бірақ ноутбук немесе компьютер болмағанда не істеуге болады?
EgovKzBot2.0 телеграм-боты осыған ұқсас жағдайлар үшін құрылған. Оның көмегімен сіз смартфон арқылы қажетті анықтамаларды ала аласыз. Қазір телеграм-бот арқылы 30-дан астам мемлекеттік қызмет пен сервис қолжетімді – сотталмағандығы туралы анықтама, тіркеу туралы ақпарат, айыппұлдарды тексеру, зейнетақы аударымдары туралы үзінді көшірме және басқалар. Сондай-ақ бот арқылы ХҚО-ға кезекке тұруға болады.
Ботты пайдалана бастау үшін смартфонға Telegram мессенджерін орнатыңыз және іздеу жолында @Kenes1414Bot деп енгізіңіз. Бот қызметтерін пайдалану үшін Сіз азаматтардың мобильді базасында тіркеліп, нөміріңізді ЖСН-мен байланыстыруыңыз керек. Содан кейін “старт” батырмасын басып, қажетті қызметті табыңыз.
Білген маңызды!
* Егер SMS-код алу бойынша қиындықтар туындаса, 1414 байланыс орталығына хабарласыңыз және ұялы телефоныңызды ауыстырғаныңыз туралы операторға хабарлаңыз.
* Телеграм-Ботта жаңа қызмет пайда болған кезде оны пайдалану үшін ботты қайта жаңарту қажет. Бұл мәзірдің “Тарихты тазарту” тармағын пайдаланып, содан кейін “Бастау” түймесін басу арқылы жасалады.
Телеграм-Боттың навигациясы ыңғайлы және түсінікті, анықтамаларды кез келген жерден алыңыз!
«Азаматтарға арналған үкімет мемлекеттік корпорациясы КЕ АҚ»
Жамбыл облысы бойынша филиалының Талас аудандық халыққа
қызмет көрсету бөлімі.
