Қазгидромет синоптиктері 30 қараша мен 1,2 желтоқсанға арналған Қазақстандағы ауа райы болжамын жариялады, – деп хабарлайды “Aulieatanews” ақпараттық агенттігі Tengrinews.kz сайтына сілтеме жасап.
Болжамға сәйкес, суық антициклон Қазақстан аумағынан бірте-бірте ығысады.
“Оның орнына Қара теңіз аудандарынан жылы батыс циклоны келеді, соған орай жауын-шашын, боран, көктайғақ күтіледі, сондай-ақ, ауа температурасы біртіндеп жоғарылайды: күндіз Қазақстанның солтүстік жартысында 0-5 градусқа дейін жылы, оңтүстікте 10-15 градусқа дейін жылы, Түркістан облысында 20 жылы градусқа дейін жылы болады”, – делінген хабарламада.
2 желтоқсанда еліміздің батыс өңірлеріне антициклон ауысады, сондықтан температура аздап төмендейді: түнде 5 градусқа дейін, күндіз 3 градусқа дейін аяз, Маңғыстау облысында 10 градус жылы болады. Еліміздің солтүстік-шығысы мен оңтүстік өңірлерінде жауын-шашынсыз ауа райы күтіледі.
